سياسة الخصوصية
آخر تحديث: أكتوبر ٢٠٢٦
خصوصيتك تهمّنا. توضّح هذه السياسة البيانات اللي بنجمعها في تطبيق لاكي اورز وموقعنا، وليه، وإزاي بنحميها.
البيانات اللي بنجمعها
رقم موبايلك وإيميلك (لتسجيل الدخول وللحجز)، اسمك الاختياري، موقعك التقريبي عشان نعرض المحلات القريبة منك، ولو عملت طلب توصيل: عنوان التوصيل وأي ملاحظات بتحفظها في التطبيق. وكمان بنحتفظ بالرسايل اللي بتبعتها لفريق الدعم، ورمز الإشعارات لو سمحت بالإشعارات، وبيانات استخدام أساسية للتطبيق (زي الشاشات اللي بتفتحها ووقت فتح التطبيق، مع معرّف عشوائي لجهازك) عشان نصلّح المشاكل ونحسّن التطبيق؛ والبيانات دي مابتُستخدمش أبدًا في الإعلانات ولا لتتبعك في تطبيقات أو مواقع تانية. ولو قدّمت طلب لتسجيل محلك، بناخد اسم المحل واسمك والمنطقة وصفحة المحل على انستجرام أو فيسبوك، ورقم الموبايل أو الإيميل اللي تختار تدّيهولنا. مفيش أي بيانات دفع — كل الدفع كاش، سواء في المحل وقت الاستلام أو وقت التوصيل.
ليه بنستخدم بياناتك
عشان نعرض العروض القريبة، نسجّل دخولك بكود تحقق بنبعته على الإيميل أو SMS أو واتساب، نأكّد ونوصّل حجزك، نرد على أسئلتك للدعم، نراجع طلبات تسجيل المحلات، ونبعتلك إشعارات عن طلباتك والعروض في منطقتك عن طريق الإشعارات أو واتساب.
موقعك
لو مسجّل دخولك وشاركت موقعك أو اخترت منطقتك في التطبيق، بنحفظ على حسابك موقع تقريبي (مقرّب لحوالي كيلومتر) ومنطقة الخدمة اللي بيتبعها، عشان نعرضلك العروض القريبة منك ونبعتلك تنبيهات خاصة بمنطقتك عن طريق الإشعارات أو واتساب. ممكن كمان نحدد منطقة الخدمة بتاعتك بس من المحلات اللي طلبت منها، أو من موقع أو منطقة شاركتها معانا على واتساب أو لما طلبت مننا نبلّغك أول ما نوصل. بنحتفظ بآخر موقع بس، ومابنشاركوش مع المحلات، والموقع والمنطقة المحفوظين على حسابك بيتمسحوا لما تحذف حسابك.
مشاركة البيانات
بنستخدم خدمات موثوقة زي Google Firebase لتشغيل التطبيق، وموفّري الإيميل وSMS وواتساب لإرسال أكواد التحقق وإشعارات الطلبات والتواصل مع المحلات بخصوص طلبك. عنوان التوصيل، لو موجود، بيتشارك مع المحل المسؤول عن تجهيز طلبك بس بعد ما يقبل الطلب. مابنبيعش بياناتك لأي طرف تالت.
التقييمات والمراجعات
لما تقيّم طلب مكتمل، تقييمك بالنجوم والتاجات اللي بتختارها بيتضافوا لمتوسط تقييم المحل الظاهر للعامة في التطبيق. التعليقات المكتوبة بتُستخدم للمراجعة الداخلية لجودة الخدمة بس، ومابتتشاركش بشكل علني أو مع المحل.
حقوقك
تقدر تطلب تعديل أو حذف بياناتك في أي وقت — من داخل التطبيق مباشرة (حسابي ← حذف الحساب) أو بالتواصل معنا على team@luckyhours.app — وتقدر تطلب نسخة من بياناتك بنفس الطريقة.
التواصل
لأي استفسار عن الخصوصية، راسلنا على team@luckyhours.app.